मागील दोन आठवड्यांपासून पुणे शहराच्या मध्यवर्ती भागातील शहीद भगतसिंह वाचनालयामध्ये नौजवान भारत सभेकडून स्थानिक विद्यार्थ्यांचे कॉम्प्युटर आणि स्पोकन इंग्रजीचे वर्ग घेण्यात येत आहेत. यामध्ये विद्यार्थ्यांना कॉम्प्युटरबद्दल मूलभूत माहिती देण्याबरोबरच कॉम्प्युटर हाताळण्याबद्दल, टायपिंग, तसेच संबंधित इतर कौशल्यांचे प्रशिक्षण दिले जात आहे. सर्व क्षेत्रांमध्ये कॉम्प्युटर आणि अत्याधुनिक तंत्रज्ञानाचा वापर करून उत्पादन होत असले तरीही बहुतांश शाळा-कॉलेजांमध्ये त्याच्या शिक्षणाबद्दल अजूनही तेवढी जागरूकता दिसून येत नाही आणि त्यातल्या त्यात आर्थिक आणि सामाजिक दृष्ट्या निम्न वर्गांतून येणारे विद्यार्थी ज्या शाळांमध्ये जातात, तिथे त्या प्रकारचे प्रशिक्षण उपलब्ध असण्याची शाश्वती जवळपास नसतेच. बाजारात उपलब्ध असलेले कॉम्प्युटर कोर्सेस…

विद्यार्थ्यांमधील सुप्त कलागुणांना वाव मिळावा, वैज्ञानिक दृष्टिकोन विकसित व्हावा आणि समतामूलक समाज घडवणाऱ्या जबाबदार नागरिकांची जाणीव निर्माण व्हावी, या उद्देशाने यंदाही उन्हाळी सुट्टीच्या काळात साप्ताहिक सामूहिक उपक्रमांचे आयोजन करण्यात आले आहे. दर शनिवारी एक सर्जनशील उपक्रम! नौजवान भारत सभा, अहिल्यानगर शाखेने गेल्या दोन आठवड्यांपासून दर शनिवारी मुलांसाठी विविध सामूहिक उपक्रम सुरू केले आहेत. या उपक्रमांना विद्यार्थ्यांसोबतच पालकांचा देखील उत्स्फूर्त प्रतिसाद लाभत आहे. वर्षभर असे उपक्रम सातत्याने सुरू ठेवावेत, अशी भावना अनेक पालकांनी व्यक्त केली आहे. आठवड्याचे उपक्रम: पहिला आठवडा – मैदानी खेळ: क्रिकेट उपक्रमाची सुरुवात क्रिकेट खेळाने झाली. विद्यार्थ्यांमध्ये विशेषत:…

मुंबईतील मानखुर्द-गोवंडी परिसरातील झोपडपट्ट्यांमध्ये राहणाऱ्या तरुणांमध्ये वाचनाची आवड निर्माण करणे, त्यांच्यात जगाबद्दल जाणून घेण्याची जिज्ञासा वाढवणे, आणि समतामूलक समाजाची जाणीव रुजविण्याच्या उद्देशाने नौजवान भारत सभा (नौभास) दर रविवारी ‘शहीद सुखदेव फिरते वाचनालय’ हा उपक्रम राबवत आहे. या उपक्रमात नौभास चे सदस्य पुस्तकांनी भरलेल्या बॅगा घेऊन वस्त्यांमध्ये जातात. या पुस्तकांमध्ये कथा, कविता, इतिहास, विज्ञान, कला अशा विविध विषयांचे साहित्य असते. गेल्या काही आठवड्यांपासून गौतम नगर आणि साठे नगर या भागांमध्ये नियमित वाचक तयार झाले आहेत. दर रविवारी हे वाचक पुस्तकं वाचतात, चित्रं काढतात, काहीजण आपले लेखनही सादर करतात, तर काही जण…

नौजवान भारत सभा, मुंबईद्वारे संचालित आझाद स्पोर्ट्स क्लबतर्फे दि. 15 जून 2025 रोजी मानखुर्द येथील शहीद भगतसिंह वाचनालयात बुद्धिबळ प्रशिक्षण सत्राचे आयोजन करण्यात आले. या उपक्रमाला मानखुर्द-गोवंडी येथील तरुणांचा उत्स्फूर्त प्रतिसाद मिळाला. आजच्या भांडवली व्यवस्थेत कामगार-कष्टकरी कुटुंबांतील मुलांना विविध खेळांमध्ये भाग घेणे दिवसेंदिवस अधिक कठीण होत आहे. मुलांच्या मानसिक आणि शारीरिक विकासाच्या सुरुवातीच्या टप्प्यावर असलेल्या क्रीडा उपक्रमांकडे त्यांच्या कौशल्यविकासाचा नैसर्गिक भाग म्हणून पाहण्याऐवजी, सध्या खेळांचे वाढते बाजारीकरण आणि स्पर्धेचा अतिरेक यांमुळे हे उपक्रम आता केवळ आर्थिक क्षमता असलेल्या मुलांसाठीच उपलब्ध राहिले आहेत. यामुळे क्रीडा क्षेत्रातील सहकार्य, सहभाग आणि सामूहिक प्रगतीची…

दि. १४ जून २०२५ रोजी शहीद राजगुरू शिक्षण सहायता केंद्रात इयत्ता ६ वी ते ९ वीच्या विद्यार्थ्यांनी दोन मजेशीर उपक्रमांच्या माध्यमातून समता, न्याय आणि सामाजिक जबाबदारी या संकल्पनांचा प्रत्यक्ष अनुभव घेतला. ‘सोसायटी बिल्डर्स’ – या उपक्रमात विद्यार्थ्यांनी स्वतःची एक काल्पनिक देशव्यवस्था तयार केली. यामध्ये त्यांनी कायदे, संसाधनांचे वाटप, नागरी हक्क आणि विविध संकटांवरील उपाय ठरवले. या प्रक्रियेतून शासनव्यवस्था, नागरी अधिकार, सामाजिक विविधता आणि सामाजिक विज्ञानाचा प्रत्यक्ष उपयोग शिकण्याची संधी मिळाली. ‘एकच ध्येय, वेगवेगळ्या संधी’ – या खेळामध्ये सर्व विद्यार्थ्यांना एकसारखे ध्येय देण्यात आले, मात्र काहींना ते जवळून, तर काहींना खूप…

नौजवान भारत सभा (नौभास) देशातील अनेक राज्यांमध्ये भगतसिंहांचा, आपल्या क्रांतिकारी शहिदांचा वारसा देशातील तरुण पीढीपर्यंत पोहचवण्याचे काम गेल्या दोन दशकापासून करत आहे. नौभास च्या क्रांतिकारी सुधार कार्यांपैकी एक महत्वाचे सुधार कार्य जे नौजवान भारत सभा, मुंबई द्वारे सुरु आहे ते म्हणजे शहीद राजगुरू शिक्षण सहायता केंद्र चालवणे ज्यात आठवी ते बारावीच्या विद्यार्थ्यांसाठी नियमितपणे अभ्यास वर्ग चालवले जातात. शहीद राजगुरू शिक्षण सहायता केंद्र हे मानखुर्द, मुंबई च्या साठेनगर नावाच्या कामगार वस्तीमध्ये चालवले जाते. सोमवार ते शनिवार संध्याकाळी 6 से 8 या वेळेत हे अभ्यासवर्ग घेतले जातात. 2025 – 26 च्या शैक्षणिक…