27 फेब्रुवारी शहीद चंद्रशेखर आझाद यांच्या बलिदानाला आज 90 वर्षे पूर्ण झालीत. त्याच पार्श्वभूमीवर नौभास, स्त्री मुक्ती लीग, बिगुल मजदूर दस्ता, मुंबई तर्फे गोवंडीतील रफिक नगर भागात शहीद स्मृती अभियान व रॅली चे आयोजन करण्यात आले. कार्यक्रमात ‘मेरा रंग दे बसंती चोला’, ‘लडाई जारी है’ ह्या क्रांतिकारी गीतांची प्रस्तुती करण्यात आली. चंद्रशेखर आझाद ह्यांच्या जीवनाबद्दल, तसेच क्रांतिकारकांच्या ‘स्वातंत्र्याच्या स्वप्नांबद्दल’ चर्चा करण्यात आली. त्यांनतर रफिक नगर भागात एक रॅली काढून पत्रकांचे वितरण करण्यात आले.

नौजवान भारत सभा, मुंबई तर्फे चंद्रशेखर आझाद यांच्या शहीद दिनानिमित्त फिल्म स्क्रिनिंग चे आयोजन करण्यात आले. त्याअंतर्गत गोवंडी भागातील रफिक नगर मध्ये ‘द लेजन्ड ऑफ भगतसिंग’ हा चित्रपट दाखवण्यात आला. लहान मुलांपासून ते महिला व पुरुषांकडून चित्रपटाला उत्तम प्रतिसाद मिळाला. चित्रपटाद्वारे फक्त नावे माहीत असलेल्या क्रांतिकरकांबद्दल अधिक माहिती मिळाल्याची तसेच भगतसिंग, चन्द्रशेखर आझाद व त्यांच्या क्रांतिकारी सहकाऱ्यांच्या स्वप्नातले स्वातंत्र्य आजही आपल्याला मिळाले नसल्याची प्रतिक्रिया उपस्थितांनी नोंदवली.

दि. 7/02/21 रोजी नौजवान भारत सभेच्या मुंबई युनिट ची वार्षिक आढावा बैठक संपन्न झाली. बैठकीची सुरवात ‘मेरा रंग दे बसंती चोला’ ह्या गीताने करण्यात आली. साथी अविनाश यांनी नौजवान भारत सभेची ओळख व मुंबईतील मागील वर्षभराच्या कामाची माहिती दिली. डॉ. पूजा यांनी देशभरातील नौभास च्या कामांचा आढावा मांडला. नौजवान भारत सभेच्या सर्व सदस्यांनी भगतसिंग, राजगुरू, सुखदेव, चंद्रशेखर आझाद या सर्व क्रांतिकारकांच्या विचारांवर काम करत जनतेच्या सर्व न्यायपूर्ण संघर्षांत त्यांच्यासोबत राहण्याची शपथ घेतली. त्यांनतर पुढील वर्षभरासाठी डॉ.पूजा, प्रज्ञा व अविनाश यांची कार्यकारिणी म्हणून निवड करण्यात आली. शशीप्रकाश यांची ‘अगर तुम युवा…

रविवार दिनांक 24 जानेवारी रोजी नौभास पुणे युनिट ची वार्षिक आढावा बैठक संपन्न झाली. याप्रसंगी नवीन सभासदांनी सदस्यता शपथ घेतली तसेच वर्ष 2021 साठी डॉ निखिल एकडे, डॉ नेहा, आणि रवी पूर्णे यांची कार्यकारणी बहुमताने निवडली गेली.

रविवार, दि. 3 जानेवारी रोजी क्रांतीज्योती सावित्रीबाई फुले यांच्या जयंतीनिमित्त दांडेकर पूल परिसरात सावित्रीबाईंच्या संघर्षाला अभिवादन करण्यासाठी प्रभातफेरी आयोजित करण्यात आली होती. वस्तीतील युवक सुद्धा ह्यात सहभागी झाले. प्रभातफेरी नंतर वस्तीतील शहीद भगतसिंह वाचनालया जवळ अभिवादन सभा घेण्यात आली. सावित्रीबाई फुलेंनी त्या काळच्या सरंजामी-ब्राह्मणवादी व्यवस्थेने महिला आणि शुद्रातीशूद्रांवर लादलेल्या ज्ञानबंदीच्या विरोधात, स्त्री गुलामी व जातिव्यवस्थेच्या विरोधात लढा पुकारला. सावित्रीबाई-ज्योतिबांनी रूढी, परंपरा, अंधश्रद्धांनी बरबटलेल्या समाजात आपल्या कुटुंबा पासून समाजात अविरत संघर्ष केला. आपले अवघे आयुष्य ह्या महत्कार्याला अर्पण केले. त्यांच्या संघर्षापासून आज तरुण-तरुणींनी प्रेरणा घेण्याची गरज आहे. आजच्या भांडवली व्यवस्थेत शिक्षणाचे…