Author: nbs_upload

मीटिंगमध्ये डॉ. निखिल यांनी नौभासची ओळख दिली आणि त्यासोबतच कामकरी जनतेच्या हक्क व अधिकारांसाठी, मोफत आणि दर्जेदार शिक्षण आणि सन्मानजनक रोजगाराच्या हक्कासाठी आणि फॅसिझमच्या विरोधात संघटित होण्याचे तरुणांना आवाहन केले. साथी अतुल यांनी नौभास अहमदनगर युनिटच्या मागील 5 वर्षातील कामांचा आढावा मांडला आणि साथी अविनाश यांनी नौभासच्या देशभरातील कामांचा संक्षिप्त आढावा मांडला. वार्षिक मीटिंगमध्ये दोन तरुणींना नविन सदस्यता देण्यात आली. त्यानंतर नौभास सदस्यानी साथी अतुल ह्याला एकमताने 2022 साठी समन्वयक म्हणून निवडून दिले. मीटिंगच्या दुसऱ्या टप्प्यात सर्व उपस्थितांनी नौभासच्या एकंदरीत आतापर्यंतच्या कामातील सकारात्मक-नकारात्मक शिकवणी आणि पुढील कामाच्या विस्तारासाठी प्रस्ताव दिले…

गॅस पाईपलाईन, गॅसचे साठे, तेलाचे साठे, पाण्याचा पुरवठा, संभाव्य सामरिक मोर्चेबांधणी, नाटो आणि रशिया दोघांची विस्तारवादी महत्वकांक्षा आणि या सर्वांमागे असलेले भांडवली आर्थिक संकट ही भौतिक कारणे या युद्धामागे आहेत आणि “लोकशाही”, मैत्री, देशप्रेम हे फक्त प्रसारमाध्यमांद्वारे जनतेसाठी दिखाव्याचे मुद्दे आहेत. हे युद्ध साम्राज्यवादी गटांमधील स्पर्धेचा परिणाम असून रशियन आणि अमेरिकन साम्राज्यवादी गटांच्या आपसातील स्पर्धेत युक्रेन होरपळून निघत आहे. भांडवली प्रसारमाध्यमे त्यांच्या विशिष्ट भांडवली हितसंबंधी गटांच्या बाजूने मांडत कोणी रशियन साम्राज्यवादाला तर कोणी अमेरिकन साम्राज्यवादाला दोषी मानत आहेत, जेव्हा की दोन्ही गट साम्राज्यवादीच आहेत. युक्रेनच्या राजकारणातही कामगार-कष्टकरी वर्गांच्या बाजू कमजोर…

 साथी अतुलने चंद्रशेखर आझाद यांच्या जिवन कार्याबद्दल थोडक्यात माहिती दिली. चंद्रशेखर आझाद,भगतसिंह व त्यांच्या इतर साथीदारांनी ज्या धर्मनिरपेक्ष व समतापूर्ण समाजाचे स्वप्न पाहिले होते व त्याच साठी अतिशय कमी वयात देशासाठी बलिदान दिले होते ते स्वप्न आजही पूर्ण झालेले नाही. देशाला स्वातंत्र्य मिळून जवळपास ७५ वर्ष पूर्ण झाली तरीही आज आपण पाहतोय की बेरोजगारी प्रचंड मोठ्या प्रमाणात वाढतेय, महागाईने कळस गाठलाय, शिक्षणाचे खाजगीकरण वाढत आहे, कामगार कष्टकऱ्यांची अवस्था पूर्वीपेक्षा आणखीनच दयनीय होत आहे, धार्मिक तेढ वाढत आहे. शहिदांचे हे स्वप्न पूर्ण करण्याची जबाबदारी आजच्या तरुण पिढीवर आहे. याची जाणीव करून…

27 फेब्रुवारी हा ‘हिन्दुस्तान सोशलिस्ट रिपब्लिकन एसोसिएशन’ (HSRA) चे आर्मी कमांडर इन चीफ शहीद चंद्रशेखर आझाद यांचा शहादत दिवस. समाजवादाचे स्वप्न उराशी बाळगून देशात क्रांती घडवून आणण्याचा उद्देशाने साम्राज्यवादी इंग्रज सत्तेविरुद्ध लढताना या क्रांतिकारकाने वयाच्या अवघ्या 25 व्या वर्षी आपल्या प्राणाचे बलिदान दिले. पुण्यातील दांडेकर पूल भागात सर्व्हे क्र. 214 येथे नौजवान भारत सभेतर्फे चंद्रशेखर आझाद यांना शहादत दिवसानिमित्त अभिवादन करण्यात आले. या वेळी साथी रवि यांनी चंद्रशेखर आझाद यांच्याविषयी बोलत असताना त्यांचे आयुष्य, स्वभाव, क्रांतिकारी कारवायांमधील सहभाग याबद्दल महिती दिली आणि क्रांतिकारकांचे स्वप्न पूर्ण करण्यासाठी तरुणांना संघटित होण्याचे आवाहन…

पुण्याच्या दांडेकर पूल भागात नौजवान भारत सभेद्वारे संचालित शिक्षण सहायता केंद्रामध्ये गणित, विज्ञान, इंग्रजी व आत्मरक्षणाचे वर्ग सुरू करण्यात आले आहे. आठवी, नववी व दहावीच्या वर्गांमध्ये शिकणाऱ्या विद्यार्थ्यांसाठी वर्ग चालवले जात आहेत. शिक्षणाचे काम करत असताना हे लक्षात आले आहे की विद्यार्थ्यांचा शैक्षणिक विकास खूप मागे राहिला आहे. आधीच शिक्षणाची दुरावस्था आहे आणि त्यात कोरोना महामारीमुळे विद्यार्थ्यांचे शिक्षणाचे प्रचंड नुकसान झाले आहे. गरीब विद्यार्थी आर्थिक परिस्थितीमुळे बाहेर शिकवणी वर्ग लावू शकत नाही, सरकारी शाळांची अवस्था वाईट आहे आणि खाजगी शाळांमध्ये तेच लोक शिक्षण घेऊ शकतात जे लाखांमध्ये फी भरू शकतात.…