तुम्हाला माहितीच आहे की, गेल्या 2 महिन्यापासून पुण्याच्या सुप्पर, बिबवेवाडी भागात शहीद आझाद स्पोर्ट्स क्लब नियमितपणे सुरू आहे. यामध्ये सध्या मुलांना बॅडमिंटन, फुटबॉल, क्रिकेट शिकवले जात आहे. स्पोर्ट्स क्लबमधून वस्तीतील मुलांच्या शारीरिक सोबतच मानसिक स्वास्थ्य यावर लक्ष केंद्रित केले जात आहे. म्हणूनच खेळांसोबतच मुलांना विविध प्रकारचे साहित्य, विज्ञान, कला यावरची पुस्तके वाचण्यासाठी प्रवृत्त केले जात आहे. खेळ खेळताना मुलांशी विविध विषयांवर गप्पा गोष्टी होत असतात. मुलांना वेगवेगळया विषयांबद्दल खूप कुतूहल असते हे यामध्ये दिसून आले. म्हणूनच मुलांना मागील आठवड्यात स्पोर्ट क्लब नौभास तर्फे संचालित वाचनालयावर आणून विविध विषयांवरची पुस्तके वाचण्यासाठी देण्यात आली. यानंतर सुद्धा मुलांना वाचनासाठी, वैज्ञानिक प्रयोगांसाठी प्रोत्साहित केले जाईल. भविष्यात आझाद स्पोर्ट्स क्लबच्या मुलांसाठी विविध कार्यक्रमांचे आयोजन करण्यात येईल.
नौजवान भारत सभा, पुणे तर्फे सुरू असलेला आझाद स्पोर्ट्स क्लब निरंतर सुरू
